သီအိုရီ

ခြေတစ်လှမ်း
ကုဋေတစ်သန်းတန်စေဖို့....
မင်းခြေလှမ်း မမှားပါစေနဲ့....

အိုင်တွေ့တိုင်း ခြေဆေးတတ်တဲ့သူတွေရှိ်မယ်
ခြေတွေ့တိုင်း ရေဆေးပေးတဲ့အိုင်တော့
မင်းမဖြစ်စေနဲ့......

ဖောက်ပြန်တတ်တဲ့လူတစ်ယောက်ထက်....
ညဌက်တစ်ကောင်ဟာ........
ပိုပြီး အဖိုးထိုက်ပါတယ်.....

ကဲ...
မင်းရဲ့  ခြေတစ်လှမ်း
ကုဋေတစ်သန်းတန်စေဖို့....
မင်းခြေလှမ်း မမှားပါစေနဲ့....


(၂၃.၁၂.၂၀၀၉)

သတင်းမှားများနှင့် လူ့အဖွဲ့အစည်း

ဇော်မင်း (လူ့ဘောင်သစ်) |

ကျနော်တို့ ငယ်ငယ်တုန်းကစလို့ အခုအချိန်အထိ သတင်းမှားများ၊ သတင်းထိန်ချန်ခြင်းများနှင့် နေထိုင်ကြီးပြင်းလာခဲ့ကြရသည်။ အခုကာလကတော့ မြန်မာ့လူ့အဖွဲ့အစည်းအတွင်းမှာ ဒီမိုကရေစီ စကားလုံးက ထိပ်ဆုံးမှာ နေရာယူထားသည်။ ဒီမိုကရေစီခေတ်ကို သွားကြမည်။ ထို့ကြောင့် ဒီမိုကရေစီနှင့် ပတ်သက်စပ်လျဉ်းသော အပြောအဆို၊ အရေးအသား၊ ကြေညာချက်များ၊ လုပ်ဆောင်ချက်များ ဆတက်ထမ်းပိုး တိုးတက်များပြားလာနေသည်ကိုလည်း တွေ့နိုင်သည်။ ဒါကတော့ ကောင်းသည့်အချက် ဖြစ်သည်။ သို့သော် ထိုကောင်းသည့် အချက်များထဲတွင် သတင်းမှားများ၊ ထိန်ချန်မှုများ ပါနေသည်။

နိုင်ငံရေးဖြစ်စဉ်တွေကို မပြောမီ ငယ်ငယ်တုန်းက နေ့တဓူဝ ကြားသိနေခဲ့ရပုံများကို ပြောလိုသည်။ လွန်ခဲ့သည့် နှစ်ပေါင်း ၃ဝ ကျော်တုန်းက ရပ်ကွပ်ထဲတွင် လူကြီးတဦးက ကျနော်တို့ကလေးများကို ပြောဖူးတာတခု အမှတ်ရသည်။ ဇာတ်လမ်းက ဒီလို။

ထိုင်းနိုင်ငံတွင် ထိုင်းအမျိုးသမီးတဦးနှင့် အိမ်ထောင်ကျနေသော မြန်မာအမျိုးသားတဦးသည် တက္ကစီမောင်း၍ အသက်မွေးသည်။ သူ့တက္ကစီကား ရှေ့မှန်တွင် မြန်မာဘာသာစကားဖြင့် 'အောင်ဇေယျ' ဟု သင်္ဘောဆေးဖြင့် ရေးထားသည်ဟု ဆိုသည်။ ဤသို့ ရေးထားခြင်း၌ အကြောင်းကတော့ မော်တော်ပီကယ် (ယာဉ်ထိန်းရဲ) များ ပိုက်ဆံတောင်းခြင်းမှ လွတ်ကင်းရန်ဟု ဆိုပြန်သည်။

ထိုသူ၌ တက္ကစီကို ပိုက်ဆံတောင်းရန်တားသော မော်တော်ပီကယ်သည် မှန်ပေါ်တွင် ရေးထားသော 'အောင်ဇေယျ' ဟူသော မြန်မာစာလုံးကို တွေ့တွေ့ချင်း အတော်လေးဖြုံသွားသည်ဟု ဆိုပြန်သည်။ ထို့အတွက် ပိုက်ဆံမတောင်းတော့ဘဲ လွှတ်လိုက်ရသည်ဟု ပြောသည်။ ဘာဖြစ်လို့လဲဆိုတော့ အလောင်းဘုရားဟု မြန်မာသမိုင်းတွင် ထင်ရှားသော ရှင်ဘုရင် ဦးအောင်ဇေယျကို ထိုင်းပုလိပ်များ သိပ်ကြောက်သောကြောင့်ဟု ဆိုသည်။ ဦးအောင်ဇေယျကို ကြောက်ရသော အကြောင်းက အယုဒ္ဓယမြို့တော်ကို တိုက်ခိုက်ဖျက်ဆီး အောင်နိုင်သောကြောင့်ဟု ရှင်းပြသည်။

ကျနော်တို့ ကလေးများကတော့ ဇာတိမာန်များကြောင့် ဝမ်းသာလိုက်သည့်ဖြစ်ခြင်း။ ယိုးဒယားတွေ၊ ထိုင်းလူမျိုးတွေက မြန်မာလူမျိုးတွေကို အခုအထိ ကြောက်ကြရတယ်ပေါ့။ ဖြစ်နိုင်တယ်၊ မဖြစ်နိုင်ဘူး ဆိုတာကိုတော့ ငယ်စဉ်အချိန်က ခွဲခြမ်းစိတ်ဖြာခြင်း မပြုနိုင်ခဲ့ပါ။ ထိုင်းပုလိပ်တွေဟာ မြန်မာဘာသာဖြင့် ရေးထားသော ကားမှန်ပေါ်က 'အောင်ဇေယျ' ဆိုသည့် စကားလုံးကို ဖတ်တတ်သလား၊ မဖတ်တတ်ဘူးလား ဆိုတာလည်း ဂရုမစိုက်မိခဲ့။

အခုလက်တွေ့ဘဝ ထိုင်းနိုင်ငံမှာ နေလာတာ နှစ်ပေါင်းများစွာ ရှိပါပြီ။ အကယ်၍ မြန်မာလူမျိုး တက္ကစီသမားတဦးက ထိုင်းမြေကြီးပေါ်မှာ အဲသလိုလုပ်ရင် ထိုင်းပုလိပ်တွေက အောင်ဇေယျဆိုတဲ့ နာမည်ကို ကြောက်မလား၊ မကြောက်လား ဆိုတာတော့ အခုလက်ရှိ ထိုင်းနိုင်ငံတွင် နေထိုင်နေသော မြန်မာပြည်သား အားလုံးအသိပင်။ ထိုသတင်းမှားကို ကျနော်တို့ ကလေးများက ဝမ်းသာအားရ ရှိခဲ့ဖူးသည်။ ယုံလည်း ယုံကြည်ခဲ့ကြသည်။ ထိုင်းဆိုတာ ငယ်နိုင်ပါဆိုသည့် အတွေးကြောင့် ဆိုရင်လည်း မမှား။ ကျနော်တို့ သမိုင်းစာအုပ်များကလည်း ထိုင်းနိုင်ငံကို ရှေးတုန်းက ဘယ်လိုဘယ်ပုံ အကြိမ်ကြိမ် အောင်မြင်ခဲ့တယ်လို့ ကလေးတွေကို ကျောင်းမှာ သင်ထားတာကလည်း တဖက်မှာ ရှိနေတာကိုး။ ဒါကို အမှီပြုပြီး မာန်တက်ခဲ့ကြတယ်ဆိုလည်း မမှားပါ။ ဒါ့ကြောင့် ကျနော်တို့ကလေးဘဝက မြန်မာတွေဆိုရင် ထိုင်းတွေက ထိုင်းမြေကြီးပေါ်မှာတောင် ကြောက်ကြရတယ်ဆိုတာကို ဖြစ်နိုင်မဖြစ်နိုင် မစဉ်းစားဖူးခဲ့။ မာန်တွေ တက်ချက်ကတော့ အဲသလို။ သတင်းမှားတွေကို ရိုက်သွင်းခံခဲ့ရတဲ့ အကျိုးဆက်လို့ ဆိုနိုင်သည်။ ယိုးဒယားကို ဘယ်အချိန် တက်သိမ်းသိမ်း ရသည်ဟူသော အစွဲက မြန်မာဗိုလ်ချုပ်တွေကို အသာထား မြန်မာအရပ်သူ အရပ်သားများ အကြားတွင်တောင် ရှိခဲ့သည်။

နောက်ဇာတ်လမ်းတခုကတော့ မြန်မာဘုရင်တွေ အာသံတို့၊ မဏိပူရတို့ကို မကြာခဏ စစ်နိုင်လေ့ရှိခဲ့သည့် သမိုင်းကြောင်း ဖြစ်သည်။ မြန်မာဘုရင်တွေ စစ်နိုင်တော့ သူတို့အလိုကျ ဘုန်းဘယ်လောက်ကြီးကြောင်း တင်ပြဖို့ နန်းတော်တွင်းက ပညာရှိ စာရေးဆရာများက အာသံနိုင်မော်ကွန်း၊ မဏိပူနိုင်မော်ကွန်းတွေ ရေးသားပြီး ဘုရင်တွေကို ဆက်သရသည်။ ထိုစဉ်က ဘုရင်ပိုင် သတင်းစာတွေ၊ ဂျာနယ်တွေ မရှိသေးတာ တော်တော့သည်။ သို့မဟုတ်ပါက ဘယ်လောက်များ ဖောင်းဖောင်းမြည်အောင် ရေးကြဦးမလဲ မသိ။

၁၉၉၆ ခုနှစ် ဆောင်းတွင်းကာလတခုမှာ ကျနော် မဏိပူရပြည်နယ် အင်ဖားမြို့တွင် ခေတ္တနေထိုင်ခဲ့ဖူးသည်။ ရံဖန်ရံခါ အင်ဖားတက္ကသိုလ် မော်ကွန်းထိန်း ပါမောက္ခနှင့် စကားလက်ဆုံ ပြောဖြစ်သည်။ တကြိမ်တွင် ကျနော်က သူ့ကို မေးသည်။ အခုလက်ရှိ မဏိပူရပြည်နယ်တွင် ကသည်းလူမျိုး (မဏီပူရီ) လူဦးရေ ဘယ်လောက်ရှိသလဲဟု ဖြစ်သည်။ ပါမောက္ခကြီးက လက်ရှိတွင် ၂ သန်းစွန်းစွန်းခန့် ရှိသည်ဟု တွက်ပြသည်။ ထို့ကြောင့် မြန်မာဘုရင်များ လက်စွမ်းပြခဲ့သော လွန်ခဲ့သည့် နှစ်ပေါင်း ၂ဝဝ-၃ဝဝ လောက်တုန်းက မဏိပူရ မြို့ပြနိုင်ငံငယ်လေးမှာ အလွန်ဆုံးရှိလှ လူဦးရေ ၁ သိန်း၊ ၂ သိန်းခန့်သာ ရှိနိုင်သည်ဟုသာ အကြမ်းဖျဉ်းသဘော စဉ်းစားမိသည်။ ထိုလူဦးရေတွင် အမျိုးသမီး၊ ကလေးနှင့် သက်ကြီးရွယ်အိုများကို ဖယ်လိုက်ပါက စစ်တိုက်နိုင်သော၊ စစ်သားလုပ်နိုင်သော လူဦးရေသည် ဘယ်လောက်ရှိမည်နည်း။ ဝိုင်း၍သာ စဉ်းစားကြပါကုန်။

ကိုယ့်ထက် လူဦးရေ အဆမတန်နည်းသော နိုင်ငံငယ်တခုကို စစ်နိုင်တာ တကယ်တမ်းမှာ မာန်မတက်ထိုက်ဟု မြင်မိသည်။ သို့သော် ကျနော်တို့ သိခဲ့ကြားခဲ့၊ သင်ခဲ့ရသည်မှာ မြန်မာဘုရင်များသည် ဘုန်းလက်ရုံး ကြီးမားသောကြောင့် မင်းပေါင်းစုံက လေးစားခန့်ငြားရသည်ဆိုသည့် သတင်း အင်ဖော်မေးရှင်းသာ ဖြစ်သည်။ သို့သော် သမိုင်းတွင် မြန်မာဘုရင်များသည် ကိုယ့်ထက်အင်အားကြီးသော မဂိုအင်ပိုင်ယာထဲက မြို့ကြီးကြီး တမြို့ကိုတောင်မှ မသိမ်းနိုင်ခဲ့ပါ။ အလားတူ တရုတ်နိုင်ငံ မဟာတံတိုင်းကြီး အခြေထိရောက်အောင်ပင် စစ်မချီတက်နိုင်ခဲ့ပါ။ တရုတ်ဘုရင် အဆက်ဆက်က မြန်မာပြည်ကို သူတို့၏ ဘဏ္ဍာဆက် နယ်မြေတခု အဖြစ်သာ အသိအမှတ်ပြုသည်။

ယိုးဒယားကို နိုင်သည်။ အာသံ၊ မဏိပူရကို နိုင်သည်။ ရခိုင်ကို နိုင်သည်။ မွန်ကို နိုင်သည်။ ရှမ်းစော်ဘွားတွေကို နိုင်သည်။ လာအို (လင်းဇင်း) ကိုလည်း နိုင်သည်။ ဘာကြောင့် နိုင်သလဲဆိုတော့ တုတ်ခေတ်၊ ဓားခေတ်၊ လှံခေတ်မှာ ကိုယ့်ထက် အင်အားနည်းသောကြောင့် (သို့) အင်အားနည်းနေသော အခါတွင်မှသာ နိုင်ခြင်းဖြစ်သည်။ ကိုယ့်ထက် အင်အားကြီးသော၊ စစ်တိုက်တတ်သော မွန်ဂိုတာတာတွေ ဝင်လာတော့ ပုဂံပြည်ကြီး ပျက်ရတာကို သင်ခန်းစာယူဖို့ မေ့နေတတ်သည်။ ထိုသို့သော သတင်း အင်ဖော်မေးရှင်းကျတော့ မှိန်ထားလိုက်သည်။ ရှေုးဘုရင်တွေရဲ့ ဘုန်းလက်ရုံး အိပ်မက်ထဲမှာ နေနေရင်း၊ နောက်ဆုံး အင်္ဂလိပ်ဝင်လာတော့ တပြည်လုံး သူတပါး လက်အောက်မှာ ကိုလိုနီ ဖြစ်ခဲ့ရသည် မဟုတ်လော။ သို့သော် မာန်ကတော့ မလျှော့သေး။

မလျှော့သေးတဲ့ အကြောင်းကို ဖက်ဆစ်ဂျပန် တော်လှန်ရေး သမိုင်းကြောင်းတွင် တွေ့ရပြန်သည်။ ဖက်ဆစ်ဂျပန်များကို စွမ်းစွမ်းတမံ တွန်းလှန်ခဲ့သူတို့မှာ ရဲဘော်သုံးကျိပ် ဦးဆောင်သော ဗမာ့ကာကွယ်ရေး တပ်မတော်သာ ဖြစ်သည်ဟု ဗိုလ်ချုပ်နေဝင်းက သမိုင်းသတင်းကို အတင်းအဓမ္မ ရေးစေခဲ့သည်။ အခြား အရေးပါသော လူပုဂ္ဂိုလ်များ၊ အဖွဲ့အစည်းများကို သမိုင်းတင်ခွင့်မပေးဘဲ ထိမ်ချန်ခဲ့သည်။ မြန်မာသမိုင်းပညာရှင်များမှာ သမိုင်းကို သမိုင်းလို လွတ်လွတ်လပ်လပ် တင်ပြရေးသား ထုတ်ဖော်ခွင့် မရခဲ့။ မရခဲ့သည်မှာ လွတ်လပ်ရေး ရကတည်းက အခုအထိပင်။ လက်ဝဲအုပ်စုကလည်း ဖက်ဆစ်ဂျပန် တော်လှန်ရေးတွင် နိုင်ငံရေးအရ သူတို့ကသာ ဦးဆောင်ခဲ့သည်ဟု ဆိုကြသည်။ သို့သော် မြန်မာခေါင်းဆောင် အတော်များများသည် မိမိနှင့်မတည့်သူ အပါအဝင် အခြားပါဝင်ခဲ့သည့် ဇာတ်ကောင်များ၏ ကဏ္ဍကို ချန်လှပ်ထားလေ့ရှိသည်။ သမိုင်းအရ သတင်းမှောင်ချထားသည့် သဘောမျိုးဟု ဆိုနိုင်သည်။

နောက်တချက်ကလည်း သမိုင်းပညာရှင်များ၊ စာရေးဆရာများအနေဖြင့် ဗိုလ်ချုပ်အောင်ဆန်းက ရဲဘော်သုံးကျိပ်ကို ဦးဆောင်ခဲ့ပြီး ဗမာ့တပ်မတော်ကို တည်ထောင်ခဲ့သောကြောင့် ဗိုလ်နေဝင်းကို ဝေဖန်ချင်တာပင် ဗိုလ်နေဝင်းလည်း ရဲဘော်သုံးကျိပ်ဝင်ဖြစ်နေတော့ ဗိုလ်ချုပ်အောင်ဆန်းကို အားနာပြီး ရဲဘော်သုံးကျိပ် အားနည်းခဲ့တာတွေအပေါ် ပြောမထွက်တာတွေ အများကြီး ရှိခဲ့ပုံရသည်။ အမျိုးသား ဇာတိမာန် ထိခိုက်မည်ကိုလည်း စိုးရိမ်ဟန် ရှိကောင်းရှိနိုင်သည်။ ဇာတိမာန်ဆိုတာ လူမျိုးတိုင်း၌ ရှိသည်။ ရှိလည်း ရှိသင့်သည်။ သို့သော် မှန်ကန်တဲ့ လမ်းကြောင်းပေါ်ကနေသာ တည်ရှိသင့်သည်။ ဇာတိမာန်ဆိုသည်မှာ အနာစိမ်းကို လက်သည်းနှင့်ဆိတ်သလို ဆိတ်နေဖို့ မလိုပါ။

ဂျပန်တွေ မြန်မာပြည်ကို ထိုင်းနိုင်ငံမှတဆင့် ဝင်လာတော့ ဂျပန်တပ်အင်အား ၃ သိန်းကျော် ရှိသည်။ အင်္ဂလိပ်တွေ အိန္ဒိယကို ဆုတ်ပြေးရသည်။ ဂျပန်တို့ရဲ့ စစ်နောက်ကျောပိုင်းကို ဝင်ရောက်တိုက်ခိုက်သော ဗိုလ်မှူးချုပ်ဝင်းဂိတ်၏ ချင်းဒစ် (ခြင်္သေ့) ကွန်မင်ဒို ပြောက်ကျားတပ်များ၏ အခန်းကဏ္ဍကို မြန်မာကျောင်းသားတို့ လေ့လာခွင့်၊ သိခွင့်မရခဲ့။ မဟာမိတ် တပ်ပေါင်းစုက လေကြောင်းချီတပ်များ၊ အမြောက်တပ်များ၊ သံချပ်ကာတပ်များ အလုံးအရင်းဖြင့် ဂျပန်တွေကို တိုက်ခဲ့တာ မြန်မာကျောင်းသားတို့ မသင်ခဲ့ရ၊ မသိခဲ့ရ။ မဟာမိတ် တပ်ပေါင်းစု၏ တိုက်ခိုက်မှုကြောင့် ကျဆုံးခဲ့ရသော မြန်မာပြည် စစ်မျက်နှာရှိ ဂျပန်စစ်သား အရေအတွက်သည် ၁ သိန်း ၈ သောင်းကျော် ရှိသည်ဟု မဟာမိတ် စစ်မှတ်တမ်းများက ဆိုထားသည်။ သို့သော် ထိုအချက်ကို မြန်မာကျောင်းသားတို့ မသင်ခဲ့ရ။

ဗိုလ်နေဝင်းလက်ထက် ကျောင်းသင်ခန်းစာများတွင် ဗိုလ်မှူးကြီးဗထူး တဦးကိုသာ ဂျပန်ကို စောစီးစွာ တော်လှန်သူအဖြစ် ကျောင်းသားများကို သင်ကြားစေခဲ့သည်။ ဂျပန်ကို စောစီးစွာ တော်လှန်ခဲ့သော ရခိုင်တော်လှန်ရေးသမားများအကြောင်း ကျနော်တို့ ကျောင်းတွင် မသင်ခဲ့ရ။ ဂျပန်တို့၏ စစ်နောက်ကျောပိုင်းကို ချင်းတပ်များနှင့်အတူ ရွပ်ရွပ်ချွံချွံ တိုက်ခိုက်ခဲ့သော ကချင်၊ ချင်း၊ ကရင်၊ ဂေါ်ရခါး၊ မြန်မာ အစရှိသော စစ်သားများအကြောင်း မသင်ခဲ့ရ။ စစ်တောင်းမြစ်ဝှမ်း တလျှောက်တွင် ကရင်ပြောက်ကျားများ၏ တိုက်ခိုက်မှုကြောင့် ဂျပန်စစ်သား ၂ သောင်းကျော် ချေမှုန်းခံရသည်ကို မြန်မာကျောင်းသားတို့ ကျောင်းတွင် မသင်ခဲ့ရ။ အကြောင်းကတော့ ထိုသူများမှာ ရဲဘော်သုံးကျိပ်၏ ခေါင်းဆောင်မှုအောက်မှာ မရှိခဲ့သောကြောင့်ဟု မှတ်ချက်ချနိုင်သည်။

ဂျပန်စစ်မှတ်တမ်းများအရ ရောဂါဘယကြောင့် သေဆုံးခဲ့သော ဂျပန်စစ်သား အရေအတွက်မှာ ၄ သောင်းကျော်၊ ၅ သောင်းနီးပါး ရှိသည်ဟု သိရသည်။ ဗမာ့တပ်မတော်က ဂျပန်ကို တော်လှန်ခဲ့သည်မှာ ၁၉၄၅ မတ်လ ၂၇ ရက်နေ့ ဖြစ်သည်။ မတ်လ ၂ဝ ရက်နေ့တွင် အထက်ဘက်မှ တိုက်ခိုက်၍ စုံဆင်းလာသော မဟာမိတ်တပ်များက မန္တလေးကို သိမ်းထားနှင့်ပြီး ဖြစ်သည်။ မြန်မာပြည် စစ်မျက်နှာတွင် တာဝန်ထမ်းဆောင်ခဲ့သော ဂျပန်စစ်သား ၃ သိန်းတွင် ၅ သောင်းခန့်သာ အသက်ရှင်၍ ဂျပန်ပြည်သို့ ပြန်ရောက်ခဲ့သည်။

ရဲဘော်သုံးကျိပ် ဦးဆောင်သော ဂျပန်တော်လှန်ရေးကိုသာ ကျောင်းများတွင် သင်စေသည်က သမိုင်းဖြစ်စဉ်အတွင်း သတင်း အင်ဖော်မေးရှင်းကို လိုသလို ပုံသွင်းယူခြင်းသာ ဖြစ်သည်။ ရဲဘော်သုံးကျိပ်ကို အပြစ်တင်နေသည် မဟုတ်။ ဗိုလ်ချုပ်အောင်ဆန်းနှင့် ရဲဘော်သုံးကျိပ် ဦးဆောင်သော ဗမာ့တပ်မတော်လည်း သူ့ထောင့်သူ့နေရာက သမိုင်းပေး တာဝန်များကို စွမ်းစွမ်းတမံ ထမ်းဆောင်ခဲ့သည်။ အုပ်ချုပ်သူ အဆက်ဆက်၌ သမိုင်းကို မျှော့ကြိုးတချောင်းကဲ့သို့ အသုံးချခဲ့ခြင်းကို ဆိုလိုရင်းဖြစ်သည်။

ငါတို့တပ်က မဟုတ်ရင်၊ ငါတို့ပါတီက မဟုတ်ရင်၊ ငါတို့သမဂ္ဂက မဟုတ်ရင်၊ ငါတို့အဖွဲ့အစည်းက မဟုတ်ရင် အဖြစ်အပျက်တွေ သမိုင်းကြောင်းတွေ မှန်နေသော်လည်း မှိန်ထားလိုက်၊ လူအသိမခံစေနဲ့ဆိုတဲ့ စိတ်ဓာတ်မျိုးဟာ အခုအထိ အားကောင်းပြီး နေရာအတော်များများမှာ တွေ့နေရသေးသည်။ လူထုကို ပညာပေးနေတဲ့ စာပေနဲ့ မီဒီယာ အသိုင်းအဝိုင်းမှာတောင် ရှိနေသေးတာလည်း တွေ့မြင်နေရသည်။

တပ်က လူအချင်းချင်းသည်ပင်လျှင် အုပ်စုကွဲလာပါက သမိုင်းမှာ ဖျောက်ဖျက်ခံရသည်။ ဗိုလ်ချုပ်အောင်ဆန်းပုံတွေ ငွေစက္ကူပေါ်မှာ မရှိတော့။ ဗိုလ်ချုပ်ကြီးတင်ဦး (အန်အယ်ဒီ ဒုဥက္ကဋ္ဌ) နှင့် ဗိုလ်ချုပ်မှူးကြီး စောမောင်တို့၏ ဓာတ်ပုံများ တပ်မတော်ပြခန်းမှာ ချိတ်မထားတော့။ နိုင်ငံရေး အဖွဲ့အစည်းအချို့တွင်လည်း ဤနည်းနှင်နှင်ပင်။ အကြောင်းကြောင်းကြောင့် အဖွဲ့အစည်းတွင် မရှိတော့သည့် (သို့) နုတ်ထွက်သွားသည့် ခေါင်းဆောင် အချို့၏ ဓာတ်ပုံများ၊ မှတ်တမ်းများကို ဝဘ်ဆိုဒ်များတွင် ထည့်သွင်းထားခြင်း မရှိသည်ဘဲ ထိန်ချန်ထားသည်ကိုလည်း ဝမ်းနည်းဖွယ်ရာ တွေ့ရသည်။ လုပ်ပိုင်ခွင့် ရှိသူများက သမိုင်းကို လိုသလို ရေးနေကြသည့် သဘောပင်။

လက်ရှိကာလမှာလည်း ပြည်တွင်းထုတ် ဂျာနယ်အချို့သည် ၂ဝဝ၈ ဖွဲ့စည်းပုံ အခြေခံဥပဒေ၊ ၂ဝ၁ဝ ရွေးကောက်ပွဲ အစရှိသည်တို့အတွက် သတင်းမှားများကို အာဏာရှင်များအကြိုက် ပါးပါးနပ်နပ် တင်နေကြသည်။ အကျိုးစီးပွားတခုအတွက် ကိုယ်ဖြစ်စေချင်သည့် လိုင်းများကို လူထုအကြား ချပြနေသည်။ ဒီမိုကရေစီတန်ဖိုးနှင့် ဒီမိုကရေစီ ခရီးရှည်အတွက် ဆောင်ရွက်ရမည့် ကိစ္စများကို မှန်မှန်ကန်ကန် မတင်ပြဘဲ မျှော့ကြိုးကဲ့သို့ အသုံးချနေသည်။ စစ်တပ်အုပ်ချုပ်မှုအောက်တွင် လွတ်လွတ်လပ်လပ် ရေးခွင့်မတာကြောင့် စာစောင်ဂျာနယ် အများစုဟာ ဥာဏ်ကိုလွှာပြီး လူထုကို တင်ပြနေရသည်။ သို့သော် ရှေးမြန်မာဘုရင်များ၏ ဘုန်းတော်ဘွဲ့နှင့် မော်ကွန်းများကို ရေးသားသကဲ့သို့ အာဏာရှင်တို့ဘက်ကို လိုက်၍ ရေးသားနေသည့် စာပေသမား၊ ဂျာနယ်သမား အချို့ကိုလည်း ထင်ထင်ရှားရှား တွေ့နေရသည်။

မျိုးဆက်သစ်များသည် တိုင်းပြည်၏ အနာဂတ်အတွက် အရေးကြီးသည်ဟု ရှုမြင်ပါက အမြင်ကျယ်သော၊ တန်ဖိုးမြင့်သော မျိုးဆက်သစ်များ တိုးပွားလာရန်အတွက် လူ့အဖွဲ့အစည်းအတွင်း သတင်းမှားများ၊ သတင်းထိန်ချန်ခြင်းများ ပြုလုပ်နေခြင်းကို ရပ်ဆိုင်းကြပါလို့ တိုက်တွန်းလိုက်သည်။
(၃ဝ ရက် နိုဝင်ဘာလ၊ ၂ဝဝ၉ ခုနှစ်)

"မင်းကို ချစ်တဲ့သူတစ်ယောက်ရှိနေတယ်"

တခုသော မိုးသည်းညမှာ အသက် ၅၀ ပတ်ဝန်းကျင်လောက်ရှိပြီဖြစ်တဲ့ မာခ့် ဆိုတဲ့ လူတစ်ယောက်ဟာ သူ့ဘ၀သူ အဆုံးစီရင်ဖို့ ဆုံးဖြတ်လိုက်တယ် ။ သူ့မှာ ဘာတွယ်တာစရာရှိလို့လဲ ။

အခုအချိန်ထိ တစ်ယောက်တည်းဖြစ်ခဲ့တဲ့ သူဟာ မိသားစုဘ၀ပျော်ရွှင်မှုဆိုတာလဲ ဘယ်တုံးကမှ မပိုင်ဆိုင်ဖူးခဲ့။ သူ့မိဘတွေဆုံးသွားတာ ၇နှစ်လောက်ရှိပြီ။ ညီမတစ်ယောက်ရှိပေမဲ့ အဆက်အသွယ်ပြတ် နေတာကြာလှပြီ ။ ရှိတဲ့ အလုပ်ကလေးတစ်ခုကလဲ သန့်ရှင်းရေးအလုပ်သမားအဆင့် ။ ဘာမှမက်လောက်စရာမရှိ။ အဲ့ဒီတော့ သူ သေသေရှင်ရှင် သူ့ကို ဂရုစိုက်မဲ့သူ တစ်ယောက်မှမရှိတာ သေချာတယ်။

အဲ့ဒီညမှာပဲ တခုသော အခန်းငယ်ကလေးမှာ ၆နှစ်သား ကလေးတစ်ယောက်က Star Wars Action ဇာတ်ကောင်ရုပ်တွေနဲ့ အလုပ်ရှုပ်နေတယ် ။ သူ့ခမျာ အဲ့ဒါတွေဝယ်ဖို့ မုန့်ဖိုးရအောင် မနက်ခင်း သူ့အဖေ လမ်းလျှောက်ထွက်တိုင်း သူပါလိုက်ရတယ်။ အခုဆို Darth Vader ကို ၀ယ်နိုင်ဖို့ သူ ၅၀ဆင့်ပဲ လိုတော့တယ် ။

အဲ့ဒီအချိန်မှာ အပြင်က တံခါးခေါက်သံကြားလို့ သူချောင်းကြည့်လိုက်တော့ အ၀တ်အစား ညစ်နွမ်းနွမ်းဖရိုဖရဲနဲ့ လူတစ်ယောက် မျက်ရည်တွေနဲ့အတူ တခါးးဝမှာ သူ့အဖေနဲ့အမေကို တစုံတရာပြောနေသံ ကြားလိုက်တယ်။ သူ့အမေကလဲ စိတ်မကောင်းတဲ့ပုံစံနဲ့ လူကြီးကို အိမ်ထဲခေါ်လိုက်တယ်။ နောက် သူတို့ ဘာတွေပြောနေမှန်း သူလဲ အကုန်နားမလည်ဘူး။ ဒါပေမဲ့ သူသိတာက မျက်နှာကို လက်ဝါးနဲ့ အုပ်ပြီး ရှိုက်ကြီးတငင် ငိုနေတဲ့ အဲ့ဒီ လူကြီးကိုကြည့်ပြီး သူအရမ်း စိတ်ထိခိုက်သလိုဖြစ်လာတာပဲ ။

နောက်တော့ သူ့အခန်းထဲကို အပြေးအလွှားသွားပြီး သူ့ပိုက်ဆံဗူးလေးထဲက ဒင်္ဂါး ၅၀ ပြားလေးကို ယူပြီး အောက်ထပ်ပြန်ဆင်းလာခဲ့တယ်။ လူကြီးသုံးယောက် သူ့ကို အံ့အားသင့်သလို စိုက်ကြည့်နေ ချိန်မှာ သူ့က အဲ့ဒီလူကြီးကို ဖက်ပြီး သူပေးတဲ့ ပိုက်ဆံကို လက်ခံဖို့၊ မငိုတော့ဖို့ ပြောလိုက်တယ် ။ ပြီးတော့ သူလဲ အခန်းထဲ ကမန်းကတန်းပြန်လာခဲ့တယ် ။ သူ နည်းနည်းတော့ ရှက်သလို ခံစားနေရပေမဲ့ အရမ်းလဲပျော်နေခဲ့တယ် ။

အောက်ထပ်မှာတော့ မာခ့်က ဒင်္ဂါးပြားလေးကို ကျစ်ကျစ်ပါအောင်ဆုပ်ကိုင်၊ ငိုနေရင်းနဲ့ ကလေးမိဘတွေကို စကားဆက်ပြောနေတယ်။ အနှစ်၂၀လောက် အထီးကျန်ဆန်နေခဲ့တဲ့ သူ့ဘ၀မှာ ပထမဆုံး အကြိမ်အဖြစ် ဂရုတစိုက်ထွေးဖက်ခံရမှုတစ်ခုဟာ သူ့ကို ဘယ်လောက်စိတ်ကြည်နူးစေကြောင်း၊ ဒီခံစားမှုလေး ဘယ်အချိန်ထိရှိနေမှာလဲလို့ သူ သိချင်ကြောင်း၊ သူ့ကို ဂရုစိုက်မဲ့သူ တစ်ယောက်မှမရှိဘူး လို့ သူထင်ထားခဲ့တဲ့ ဘ၀ဟာ ထင်သလောက် မဆိုးခဲ့ကြောင်း ပြောရင်းပြန်သွားတယ်။

အဲ့ဒီညက အဖြစ်အပျက်ဟာ မာခ့်ရဲ့ဘ၀ကို အပြောင်းလဲကြီး ပြောင်းလဲသွားစေတယ် ။ ဘ၀မှာ ဘယ်လိုဆက်ပြီး အသက်ရှင်နေထိုင်သွားရမလဲဆိုတာကို သူ အလိုလိုသဘောပေါက်သွားခဲ့တယ် ။ မာခ့်ကို ထပ်မတွေ့ရတော့ပေမဲ့ မာခ့်က သူတို့မိသားစုဆီ စာတွေပို့ဆဲ ။ သူအဆင်ပြေကြောင်း၊ ကျန်းမာကြောင်း ရောက်ရာအရပ်ကနေ ယနေ့အချိန်ထိ အသိပေးဆဲပဲ ။

တကယ်တော့ ၆နှစ်သားအရွယ်ကလေးတစ်ယောက်အနေနဲ့ အဲ့ဒီိနေ့က ဘာလို့ အဲ့လိုလုပ်ခဲ့တာလဲဆိုတာ ကျွန်တော်လဲ အတိအကျတော့ မပြောတတ်ဘူး ။ ကျွန်တော့်မျက်စိရှေ့မှာ မြင်နေရတဲ့ စိတ်ထိခိုက် ကြေကွဲဖွယ်ရာ မြင်ကွင်းတစ်ခုကို စိတ်ထဲက တုံ့ပြန်ချင်တဲ့အတိုင်း တုံ့ပြန်လိုက်မိတာ ။ ဒါပေမဲ့ ပေးဆပ်မှုတစ်ခုအတွက် ရခဲ့တဲ့ အဲ့ဒီပီတိလေးကို ပြန်တွေးမိတိုင်း ကျွန်တော်အခုအချိန်ထိ ကြည်နူးမိဆဲပဲ။

အဲ့ဒီနေ့က သူ့ကိုယ်သူ သတ်သေတော့မယ်လို့ ဆုံးဖြတ်ထားတဲ့ မာခ့်ဟာ လမ်းလျှောက်ရင်းနဲ့ ကျွန်တော်တို့ အိမ်ရှေ့အရောက် သူမြင်လိုက်ရတဲ့ ကား bumper မှာ ရေးထားတဲ့ စာတန်းလေးတစ်ခုအတွက် ဒီအိမ်ကလူတွေဟာ ဘယ်လို စိတ်ဓါတ်ပိုင်ရှင်တွေပါလိမ့်လို့ (သူမသေခင်) သိချင်စိတ်ဖြစ်လာတယ် ။ အဲ့လိုနဲ့ သူ ကျွန်တော်တို့အိမ် ရောက်လာခဲ့တာပဲ ။

ဒင်္ဂါး၅၀ပြားလေးနဲ့ bumper ပေါ်ကစာတန်းလေးတစ်ခုဟာ လူနှစ်ယောက်ရဲ့ အမြင်တွေ၊ ခံယူချက်တွေနဲ့ ဘ၀ကို လုံးဝပြောင်းလဲပေးခဲ့တယ် ။ ကျွန်တော်တို့ရဲ့ကား bumper ပေါ်မှာ ရေးထားတဲ့ စာတန်းလေးက "မင်းကို ချစ်တဲ့သူတစ်ယောက်ရှိနေတယ် (Somebody loves you)" တဲ့ ...

"Somebody Loves You" by Wil Horneff
Translated by Cinderella
Special remembrance to 3rd December, 09

ဘဝစိတ်ပျက်ကြေကွဲချိန်မှာ ပြုံးပါ။ နောက်ဆုံးကိန်းက အတူတူပါပဲ

လောကကြီးထဲမှာ ဖြစ်ပျက်နေသမျှကိစ္စအားလုံးက တစ်ခုကိုရရင် အခြားတစ်ခုကို ဆုံးရှုံးရတာချည်းပဲ။ အချစ်က လူကိုပျော်ရွှင်မှုတွေပေးသလို ဝမ်းနည်းကြေကွဲမှုကိုလည်း ပေးတယ်။ စည်းစိမ်ချမ်းသာခြင်းက လူကိုပျော်ရွှင်စေသလို စိတ်မချမ်းမြေ့မှုတွေကိုလည်း ပေးတယ်။ အောင်မြင်ခြင်းက လူကိုဝမ်းသာဂုဏ်ယူစေသလို ရှုံးနိမ့်ခြင်းက လူကိုဝမ်းနည်းစေတယ်။

မျှော်လင့်ထားတဲ့ အရာတစ်ခုခုကို ပိုင်ဆိုင်ရတာဟာ ပျော်ရွှင်ခြင်းတစ်မျိုးဖြစ်တယ်။ အလားတူ ဆုံးရှုံးသွားခဲ့ရင် ပျော်ရွှင်ခဲ့တဲ့အဆအတိုင်း ပြန်ခံစားရလိမ့်မယ်။ ဥပမာ- ရယူပိုင်ဆိုင်တုန်းက ၈မှတ် ပျော်ရွှင်ခဲ့ရင် ဆုံးရှုံးသွားတဲ့အချိန်မှာလည်း ၈မှတ် ဝမ်းနည်းကြေကွဲလိမ့်မယ်။ နောက်ဆုံးရတဲ့ကိန်းက အတူတူပဲဖြစ်တယ်။

လူတချို့က ပစ္စည်းဥစ္စာကို ရယူပိုင်ဆိုင်နိုင်ခဲ့ပေမယ့် ကျန်းမာရေး၊ မိသားစု သို့မဟုတ် အချစ်ရေးမှာ ဆုံးရှုံးသွားကြတယ်။ လူတချို့က စီးပွါးရေး၊ အောင်မြင်ရေးမှာ ၃မှတ်လျော့ခဲ့ပေမယ့် လူမှုရေး၊ ကျန်းမာရေးနဲ့ ကိုယ်ပိုင်လွတ်လပ်မှုမှာ ၃မှတ်တိုးလာခဲ့တယ်။ တချို့အရာတွေက မတရားဘူးလို့ထင်ရပေမယ့် သေချာချင့်ချိန်ကြည့်ရင် တရားတာတွေချည်းပါပဲ။

တချို့က ငွေရှိရင် ပိုပျော်ရွှင်ရတယ်လို့ ထင်ကြတယ်။

ဆင်းရဲသားတစ်ဦးက ငွေရာကျော်လေးနဲ့ ပျော်ရွှင်မှုကိုရနိုင်တယ်။ အဲဒီဆင်းရဲသား သူဌေးဖြစ်ပြီးနောက် တူညီတဲ့ပျော်ရွှင်မှုကို ငွေထောင်သောင်းသုံးမှ ဒါမှမဟုတ် သိန်းရာကျော်သုံးမှ သူရနိုင်တော့မယ်။ အရသာပြင်းပြင်းကြိုက်လေ အဲဒီပစ္စည်းတွေရဲ့အရသာက ညံ့လေလေဖြစ်တယ်။ ငွေကြေးများလေလေ အဲဒီငွေတွေရဲ့တန်ဖိုးက သေးလေလေဖြစ်တယ်။ ဗိုက်အရမ်းဆာချိန်မှာ ပေါက်စီတစ်လုံးရဲ့ အရသာက အရမ်းချိုမြိန်ပါတယ်။ ဒါပေမယ့် ပေါက်စီငါးလုံးစားပြီးနောက် ပေါက်စီရဲ့ ချိုမြိန်တဲ့အရသာကို သင်ခံစားမိတော့မှာ မဟုတ်ဘူး။

ငွေများလေ သူခိုးဓမြရန်ကိုကြောက်လေ၊ အိမ်ကြီးလေ ထိန်းသိမ်းလှဲကျင်းရမှာကြောက်လေ၊ များများစားတဲ့လူက ဝမှာကြောက်တယ်။ ကောင်းကောင်းစားရတဲ့လူက သေမှာကြောက်တယ်။ ဒါကြောင့် အခုခေတ် ချမ်းသာတဲ့လူတွေက ဟင်းသီးဟင်းရွက်၊ သစ်သီးဝလံတွေ စားကြတယ်။ ပဲ၊ ပြောင်း၊ ဂျုံတွေကို အဓိကထားစားကြတယ်။ အဲဒီအစားအစာတွေ အားလုံးက ဆင်းရဲတုန်းက စားခဲ့တဲ့အစာ ဒါမှမဟုတ် တိရစ္ဆာန်တွေကို ကျွေးတဲ့အစာတွေ မဟုတ်ပါလား?

အားလုံးသိပြီဖြစ်တဲ့ ပုံပြင်တစ်ပုဒ်က ဒီလိုဆိုပါတယ်။

မြေခွေးတစ်ကောင်ဟာ ခြံစည်းရိုးထဲက စပျစ်သီးကိုတွေ့တော့ အရမ်းစားချင်ခဲ့တယ်။ အပင်ထက်က စပျစ်သီးတွေရဲ့ ဆွဲဆောင်မှုကြောင့် မြေခွေးဟာ ခြံထဲဝင်ဖို့ ဝင်ပေါက်ကိုလိုက်ရှာခဲ့တယ်။ နောက်ဆုံး စည်းရိုးနားက ဝင်ပေါက်တစ်ခုကို သူတွေ့ခဲ့တယ်။ ဝင်ပေါက်ကသေးနေလို့ သူ့ခန္ဓာကိုယ်နဲ့ ဝင်မရခဲ့ဘူး။ ဒါနဲ့ မြေခွေးက ဝင်ပေါက်သေးသေးလေးထဲ ဝင်ရဖို့ သူ့ခန္ဓာကိုယ် သေးငယ်သွားအောင် စည်းရိုးအပြင်မှာ(၆)ရက်ကြာ အဆာငတ်ခံခဲ့တယ်။ နောက်ဆုံး မြေခွေးဟာ ခြံထဲဝင်နိုင်ခဲ့ပြီး စပျစ်သီးတွေကို အားရပါးရ စားသုံးခဲ့တယ်။ စားပြီးမှ ပြည့်တင်းနေတဲ့ခန္ဓာနဲ့ ခြံအပြင်ထွက်ဖို့ မရမှန်းသိတော့ မြေခွေးဟာ (၆)ရက်ကြာ အဆာငတ်ခံပြန်တယ်။

ဒါကြောင့် နောက်ဆုံးရကိန်းက အတူတူပဲလို့ ပြောရခြင်းဖြစ်တယ်။

ချောင်းအထက်ပိုင်းမှာ နေ့တိုင်းရေသောက်နေတဲ့ ရှဥ့်တစ်ကောင်နဲ့ ချောင်းအောက်ပိုင်းမှာ နေ့တိုင်းရေသောက်နေတဲ့ ရှဥ့်က ဘာမှမခြားနားဘူး။ ရှဥ့်တစ်ကောင်ရဲ့ ခန္ဓာကိုယ်ထဲမှာ ရေဘယ်လောက်ဆန့်မလဲ? ရေပိုသောက်တဲ့သူက ဗိုက်ကားပြီး သေရုံကလွဲလို့ ဘာဖြစ်နိုင်ဦးမလဲ?

လောကကြီးတစ်ခုလုံးကို ကိုယ်ပိုင်ဆိုင်ထားတယ်ဆိုရင်တောင် ကိုယ့်အတွက်က တစ်နေ့ထမင်းသုံးနပ်နဲ့ ညအိပ်ရင် ကုတင်တစ်လုံးပါပဲ။ ကုတင်အလုံးတစ်ရာ ပိုင်တယ်ဆိုရင်တောင် ညအိပ်ရင် ကုတင်တစ်လုံးပဲ သင်အိပ်နိုင်မယ်။ ဖိနပ်အရံတစ်ထောင် ပိုင်ထားတယ်ဆိုရင်တောင် တစ်ကြိမ်မှာ ဖိနပ်တစ်ရံပဲ သင်စီးလို့ရမယ်။ ဟင်းအပွဲရာကျော်ကို သင်မှာနိုင်တယ်ဆိုရင်တောင် သင်ဘယ်လောက်စားနိုင်မလဲ? အလွန်ဆုံး အစာအိမ်တစ်ခုပဲ သင်ထည့်နိုင်မှာ မဟုတ်လား?

လူရယ်လို့ဖြစ်လာရင် လူဘဝဆိုတာကို တွေ့ကြုံခံစားကြည့်ဖို့ပါပဲ။ လူ့လောကထဲ ရောက်လာသူတွေအားလုံးမှာ ဥစ္စာ၊ ရာထူးတွေသာ အနိမ့်အမြင့်ဆိုပြီး အဆင့်အတန်းခွဲထားကြမယ်။ ကျန်းမာရေးနဲ့ ပျော်ရွှင်ခြင်းကိုတော့ အနိမ့်အမြင့်ခွဲခြားလို့ ရမှာမဟုတ်ဘူး။ ငွေရှိတဲ့လူရဲ့ ပျော်ရွှင်ခြင်းက ပိုရှုပ်ထွေးမယ်။ ဆင်းရဲတဲ့လူရဲ့ ပျော်ရွှင်ခြင်းက ပိုရိုးရှင်းမယ်။ ဒီလောက်လေးပဲ ကွာခြားပါတယ်။ တစ်ပြိုင်တည်းမှာ ယောက်ျား ဒါမှမဟုတ် မိန်းမ သုံးလေးယောက်ပိုင်ဆိုင်သူက တစ်ယောက်တည်းပိုင်ဆိုင်သူလောက် ရိုးရှင်းပျော်ရွှင်မှာ မဟုတ်ပါဘူး။

သင်ပျော်ရွှင်ချိန်မှာ ဝမ်းနည်းခြင်းက တစ်နေရာမှာ ချောင်းမြောင်းနေလိမ့်မယ်။ ဝမ်းနည်းကြေကွဲခြင်းရဲ့နောက်မှာ ပျော်ရွှင်ခြင်းက ထပ်ကြပ်မခွါလိုက်လို့နေတယ်။ နောက်ဆုံးမှာ အရာရာတိုင်းက သူ့နေရာနဲ့သူ အံဝင်ခွင်ကျ ဒွန်တွဲနေတယ်ဆိုတာကို သင်သတိပြုမိလိမ့်မယ်။ ပျော်ရွှင်တာ ဝမ်းနည်းတာ၊ ပိုင်ဆိုင်တာ ဆုံးရှုံးတာ၊ ကောင်းတာ ဆိုးတာ၊ တိုးတာ လျှော့တာ နောက်ဆုံးရတဲ့ကိန်းက တူညီနေပါလိမ့်မယ်။

တချို့လူက အချိန်စောပြီး ရယူပိုင်ဆိုင်ရတယ်။ တချို့ကနောက်ကျမှ ရယူပိုင်ဆိုင်တယ်။ တချို့က အချိန်စောပြီး လက်လွှတ်ဆုံးရှုံးရတယ်။ တချို့က နောက်ကျမှ ဆုံးရှုံးတယ်။ ဒါပေမယ့် နောက်ဆုံးရတဲ့ကိန်းက အတူတူပဲဖြစ်တယ်။ ရယူပိုင်ဆိုင်တုန်းက ပျော်ရွှင်ခဲ့တဲ့ပျော်ရွှင်ခြင်းလောက် ဆုံးရှုံးချိန်မှာ ဝမ်းနည်းရမှာဖြစ်တယ်။ နောက်ဆုံး သေဆုံးချိန်မှာ လူတိုင်း၊ အရာတိုင်းက တူညီသွားပါတယ်။ သေဆုံးခြင်းက အရာအားလုံးကို တရားမျှမျှ ဆောင်ရွက်ပေးခဲ့ပါတယ်။ သေဆုံးခြင်းမှာ ဆင်းရဲ ချမ်းသာ ခွဲမထားပါဘူး။ ချမ်းသာတဲ့လူက သက်တောင့်သက်သာသေရပြီး ဆင်းရဲသူက နာကျင်ခံစားပြီး သေမှာမဟုတ်ပါဘူး။

လူတချို့က (၁ဝ)မှတ်အပြည့်ရတယ်။ သူသေဆုံးထွက်ခွါချိန်မှာ (၁ဝ)မှတ်အပြည့် ဆုံးရှုံးရမှာဖြစ်တယ်။ ဒါဟာ လုံးဝတရားပါတယ်။

လူတချို့က (၃)မှတ်ရတယ်။ တချို့က (၇)မှတ်ရတယ်။
(၃)မှတ်ရသူက (၃)မှတ်သောဥစ္စာကိုရပြီး (၇)မှတ်သောကျန်းမာပျော်ရွှင်မှုကိုရမယ်။
(၇)မှတ်ရသူက (၇)မှတ်သောဥစ္စာကိုရပြီး (၃)မှတ်သောကျန်းမာပျော်ရွှင်မှုကိုရမယ်။
တချို့က အရင်ရတယ်။ တချို့က နောက်ကျမှရတယ်။ တချို့က လုံးဝမရဘူး။

အရင်ရသူက အရင်ဆုံးရှုံးမယ်။ နောက်ကျရသူက နောက်မှဆုံးရှုံးမယ်။ လုံးဝမရသူက ဆုံးရှုံးတော့မှာမဟုတ်ဘူး။ ဒါကြောင့် လူရယ်လို့ဖြစ်လာရင် ဘာအငြိုးအတေးမှ မထားနဲ့။ သူမှန်တယ်၊ ငါမှားတယ်၊ သူညံ့တယ်၊ ငါတော်တယ်နဲ့ တွယ်ကပ်တွက်ချက်မနေပါနဲ့။ လူဘဝဆိုတာကို တွေ့ကြုံခံစားကြည့်ဖို့ပါပဲ။

မူရင်းရေးသားသူ -- He Quan- Feng (何權峰) (စိတ်ပညာ)
(微笑，當生命陷落時 總數是一樣的) (ဘဝစိတ်ပျက်ကြေကွဲချိန်မှာ ပြုံးပါ။ နောက်ဆုံးကိန်းက အတူတူပါပဲ)
ဘာသာပြန်သူ - နိုင်းနိုင်းစနေ